Transcription. — ”Richarville, village, & paroisse. Messire François de Cugnac, Chevalier, Marquis de Dampierre, en est seigneur; à cause de Dame Anne de Cugnac, fille de Gabriel, son épouse: il y a moienne, & basse justice, tenuë en fief du Château d'Estampes, avec le droit, usage, & sangier de chasser, & vener, à cor, & à cry; laisser courre levrier, & chiens; tendre, & hayer à toutes bêtes en la forest, & buisson, appellé Montbardon, & en tout le chantier de Chenevelles. — De Cugnac, gironné d’argent, et de gueules de 8. pieces. — Declaration donnée au Roy, l'an 1539. fol. 369. verso. — Gaston de Foix, Comte d'Estampes, accorda par Lettres données à Milan, l'an 1511. le 23. jour de Juin, à Messire Louis de la Ferté, Chevalier, droit de Mairie, sur tous ses vassaux, & sujets, à cause de ses fiefs du Breau, Dame-Marie, & de la Marguaillerie, situez dans les paroisses de Richarville, saint Escobile, & du Breau: Voyez cy-après, saint Escobile.“